AMAFOTO: Museveni yifurije Kagame imirimo myiza muri EAC
Perezida Yoweri Kagauta Museveni wa Uganda yifurije Perezida Kagame imirimo myiza nyuma yo kumusimbura ku buyobozi bw’Umuryango w’Afurika y’Iburasirazuba (EAC).
Perezida Kagame yashyikirijwe ubuyobozi bwa EAC kuri uyu wa 1 Gashyantare 2019 mu nama ya 20 yahuje abakuru b’Ibihugu bya EAC.
Perezida Museveni abinyujije kuri Twitter yagize ati “Nashyikirije Ubuyobozi bwa EAC Nyakubahwa Paul Kagame kuri uyu mugoroba I Arusha muri Tanzania. Ndashimira buri wese wamfashije kuva mu 2017 nahabwa izi nshingano by’umwihariko abakozi b’ubunyamabanga bukuru bwa EAC. Nifurije Perezida Kagame imirimo myiza muri iki kivi cye.”
Uretse Perezida Kagame wahawe kuyobora EAC, Christophe Bazivamo nawe yongerewe indi myakaka itatu yo kungiriza Umunyamabanga mukuru wa EAC.
Perezida Kagame yabashimiye icyizere bamugiriye abizeza kuzashyira mu bikorwa inshingano yahawe.
